Kik mor nat veugelke!
Tes beslist. De zoaterdag vuv februaorie goak met Goela en Vandamme nar de brune stede. In ’t Sted ester un tentwunstellinge van Anton Corbijn (klikt up diene link ierneffest e), diene langen Ollander wor dak mienen teezis over gemakt ep. Diene mins verdient zin geld met fotoos te trekn van olle selibreties daj mor keun peizn: van Frank Sienaatra en Lens Armstrong toet Keet Mos en Loetsiejano Pavarottie. Un por van zin vroegere pertretn zin bekend: Elvies Costello die met zin gietare en zinne versterker up un bedde in Amsterdam ligt, Deeviet Bowie in ne pamper achter dattie den Elefent Men gespeeld it, Stielei Den die in de resepsie van een otil stoan te lanterfantn en Maails Deevies die zin an vwurn zinne kop oet, zodoanug gaj oljinne zien wugn ziet (Tes benouwluk: ne grwutte zwarte neger met wurn lik talwurn en wugn de grwutte van ne vust). In de joaren tachntug estie (Corbijn e) ton begun werkn met Joetoe en Diepisj Moot. Voer Diepisj ittie biekan dertig vidiejoos gemakt en zelfs under podiejum in mekoar getemmert. En vor Joetoe ittie den klip van Wan gemakt, worrin dasse ollemolle in vromins verklit zin. Voe mor te zeggen: tes un vrjit vintje. Kben deur Goela en Vandamme ol angesteld toet gits, want ze peizn nateurlik dakkik zinnuge klap goa keun verteln over ol die portretn. Tsss, zuste lik dakkik da ollemolle nog weete. ‘k Ben vuf jor geleen nar een tentwunstellinge van em in Groning gewist (zes eurn up den tring, gedomme) en kih dor drie doagen mwurteldronke rondgetsjoolt. Kweete oljinne dattie somstekjirn int zwart-wit, nelf van tit int brunachtug en nu en ton ne kjir in kleur trekt. Voer de reste goan ze minne kop meugn stille loaten of ze keun nen bok up under mulle krign. Ertefretters!
Tes beslist. De zoaterdag vuv februaorie goak met Goela en Vandamme nar de brune stede. In ’t Sted ester un tentwunstellinge van Anton Corbijn (klikt up diene link ierneffest e), diene langen Ollander wor dak mienen teezis over gemakt ep. Diene mins verdient zin geld met fotoos te trekn van olle selibreties daj mor keun peizn: van Frank Sienaatra en Lens Armstrong toet Keet Mos en Loetsiejano Pavarottie. Un por van zin vroegere pertretn zin bekend: Elvies Costello die met zin gietare en zinne versterker up un bedde in Amsterdam ligt, Deeviet Bowie in ne pamper achter dattie den Elefent Men gespeeld it, Stielei Den die in de resepsie van een otil stoan te lanterfantn en Maails Deevies die zin an vwurn zinne kop oet, zodoanug gaj oljinne zien wugn ziet (Tes benouwluk: ne grwutte zwarte neger met wurn lik talwurn en wugn de grwutte van ne vust). In de joaren tachntug estie (Corbijn e) ton begun werkn met Joetoe en Diepisj Moot. Voer Diepisj ittie biekan dertig vidiejoos gemakt en zelfs under podiejum in mekoar getemmert. En vor Joetoe ittie den klip van Wan gemakt, worrin dasse ollemolle in vromins verklit zin. Voe mor te zeggen: tes un vrjit vintje. Kben deur Goela en Vandamme ol angesteld toet gits, want ze peizn nateurlik dakkik zinnuge klap goa keun verteln over ol die portretn. Tsss, zuste lik dakkik da ollemolle nog weete. ‘k Ben vuf jor geleen nar een tentwunstellinge van em in Groning gewist (zes eurn up den tring, gedomme) en kih dor drie doagen mwurteldronke rondgetsjoolt. Kweete oljinne dattie somstekjirn int zwart-wit, nelf van tit int brunachtug en nu en ton ne kjir in kleur trekt. Voer de reste goan ze minne kop meugn stille loaten of ze keun nen bok up under mulle krign. Ertefretters!
